啱啱先被告誡要以民為本嘅特區政府反而愈嚟愈變得門高狗大，八方班行家噚日走去花園道美利大廈採訪捍衞社會福利大聯盟請願，諗住如常show證同登記就可以上去衞生福利及食物局，點知未入到門口，就俾保安員攔路，話冇部門邀請就唔入得。保安員重即刻關玻璃門，派人把守門口。
美利大廈一向係政府各部門舉行記者會嘅地方，好多記者經常喺度出入做嘢，都唔知幾時變得咁過份，行家即刻打去新聞處同衞福局新聞組抗議，點知啲回覆重離譜，話就算官員同班社工開會，都未必畀記者上去採訪。唔通佢哋一個二個都當主席訓話耳邊風？
（圖）捍衞社福大聯盟去美利大廈抗議，保安員唔畀記者進入，請願信都喺樓下交收。區民傑攝
傳真︰2623-9278
電郵︰