黎姿（GiGi）、楊怡和揚明等一班演員，昨日齊在尖沙嘴一酒吧為無綫劇集《水滸無間道》宣傳。GiGi與楊怡分別穿上吊帶裙及小背心到場，不過兩人都穿上外套，拍照時GiGi應記者要求大方地脫去外衣，但楊怡則婉拒，她笑說：「唔使啦，我角色密實都唔使性感，GiGi唔同，佢做潘金蓮嘛。」
有記者指《水》劇宣傳片中的GiGi波濤洶湧，十分性感時，她亦即時掩口驚歎道：「嘩！好勁呀！其實我冇咁勁，好普通料咋！係燈光效果。」GiGi表示對該宣傳片亦曾有微言，並向無綫反映，但最後接受了公司的解釋，她說：「都係為部劇，係諗唔到𠵱家電視尺度咁鬆。」
GiGi又表示希望早點完成手上工作，她說：「原先諗住上完《金枝慾孽》可以休息，點知新劇又要宣傳，中間得一、兩日休息，好似冇放過假咁。」不過她其後笑言近排密密接工作，希望賺夠一千萬，作為姑婆本。
