梁朝偉前晚拍攝電影《韓城攻略》煞科戲，他表示早前在韓國拍攝一場機艙打鬥戲時，不慎傷及左邊肋骨，至今仍然疼痛，但為免吵醒女友劉嘉玲，他每晚都獨自捽跌打酒，不禁大歎淒涼。
梁朝偉與任賢齊前晚在數碼港拍攝電影《韓城攻略》的煞科戲，偉仔更負傷上陣，他透露早前在韓國拍外景時，不慎傷及左邊近腰的肋骨，故前晚仍須忍痛扮歎酒，拍攝一名女演員為他斟紅酒的戲份。
前晚偉仔說：「之前我喺韓國拍外景時，拍一場喺飛機上嘅打戲，受傷過程我自己都唔知，係拍完返去休息覺得好痛，返嚟香港之後就睇醫生，醫生話係骨膜發炎或者傷咗氣門，𠵱家好痛，要食止痛藥同消炎藥。」
偉仔提及傷勢時，不禁大呼淒涼，因他每晚都要獨自捽跌打酒，問他為何不請女友劉嘉玲幫忙？偉仔稱：「三更半夜無謂嘈醒人，原來一個人坐喺度捽跌打酒係好淒涼嘅事。」偉仔又透露今年會留港過聖誕，問他有否送聖誕禮物給嘉玲？他即笑說：「冇喎，送禮物唔使揀乜節日嘅，平時見到都會買畀佢。」
《韓》片導演馬楚成及寰亞電影高層莊澄前晚特到場與偉仔開香檳慶祝煞科，該片老闆林建岳亦有到場探班，不過小齊因須趕返台灣拍新歌ＭＶ，所以未有參與慶功即告離開。小齊透露他在台灣本助養了十名受地震影響的孤兒，可是早前當地又發生水災，結果其中兩、三名罹難，令他十分難過。
採訪：魯萍
攝影：葉君海
