梅媽昨日在新城電台接受家天下訪問，表示稍後計劃出自傳訴說不為人知的心聲，又將會投資過千萬申請建立梅艷芳展覽館，梅媽提到阿梅報夢時又不禁哭起來。
梅媽透露將於本月二十九日在會展舉行《芳華再現梅艷芳紀念會》，已邀請了阿梅生前好友出席活動，但她又怕這些朋友因聖誕太忙而未能確實時間，故拒絕透露名單，梅媽說：「到時會將阿梅由細到大啲珍貴相片製成紀念冊賣畀觀眾，暫定八十元至一百元本，我搞呢個活動花費成六十萬，要靠賣紀念冊平衡開支。」
此外，梅媽十分氣憤日前有報道指她在本年爭產案中排名第八位，梅媽說：「阿梅又冇老公冇仔女，有乜嘢人有資格同我爭呀？我係貪錢就一早袋晒啦！唔使阿梅送樓畀我都要寫埋佢名。」
採訪、攝影：駱華齡