睇好樓市許冠文掃加州花園兩屋
千嬅赤柱豪宅放盤升二千萬

繼古天樂早前以六千多萬購下京士柏山豪宅，許冠文日前也斥資千萬買入加州花園兩單位，至於楊千嬅則見樓市轉好，將去年以三千六百萬購入的富豪海灣以五千五百萬放盤，若能成交她可輕賺二千萬。

楊千嬅去年以三千六百萬購入赤柱富豪海灣獨立屋，今年中入伙，但住了僅幾個月，她與雙親均覺得交通不便，加上有人出價五千五百萬欲購其豪宅，千嬅與家人商量後，終決定放盤，如果成功以此價錢賣出，她將可賺得近二千萬。
記者昨日聯絡楊千嬅，她在電話中說：「層樓我原本係買嚟孝敬父母，等兩老可以有一個較佳嘅居住環境，但住咗幾個月後，爹哋同媽咪都覺得出入好唔方便，要搵朋友傾偈都難，爹哋話不如搬返出市區住。

返工太花時間
「咁我都覺得𠵱家返工花咗唔少時間喺交通度，既然係咁，不如賣咗層樓。之前已有人問過價，問我五千五百萬賣唔賣，但我未搵到屋搬，所以未肯賣住。」

堅持與家人住
千嬅已拜託朋友找相熟的地產經紀搵新樓，與放盤同時進行，她說：「我想搵啱新樓先至畀人嚟睇樓，放盤價都係五千五百萬左右，朋友建議我賣樓後，可以選擇先租樓住。不過唔理係租定買，我都會同屋企人一齊住。」
此外，許冠文對樓市似乎十分看好，日前他一擲千萬購下元朗加州花園兩個獨立屋單位，一個是二千一百呎單位，他以六百五十萬購入，另一個千四呎單位，他就以四百三十五萬成交，相信現住在半山的許冠文，購這兩單位純是一項投資。