名模周汶錡（Kathy）前晚在西灣河出席樓盤嘉亨灣宣傳活動，更表演跳舞助興。昨日她又到中環，與伍詠薇、寇鴻萍等一同接受雜誌頒發的生活品味大獎，更收到近萬元禮品。
Kathy開心透露現時有二十多個fans，她說：「拍咗旅遊特輯之後，多咗啲fans，𠵱家有二十幾個，上次同佢哋聚會，最細得小學六年級，佢重送咗星星手鏈畀我做聖誕禮物㖭。佢哋又準備幫我成立fansclub，不過，叫『模迷會』唔好聽。」
而伍詠薇收到LCD電視，並自爆是粵語長片迷，她說：「我十六歲開始晚晚睇，我嘅夜間情人就係吳楚帆同張瑛。」問她晚晚煲舊片，豈非破壞造人大計？她說：「造人唔一定要夜間，一日有二十四小時，再唔係weekend都得，我weekend唔會約人，留番畀老公。」