暫停開新店大計　回港過節
何琍琍做煮飯婆𠱁趙世光

趙世光太太何琍琍前日在上海主持新餐廳開幕禮，她表示將暫停再開新店，回港過聖誕和新年，又會煮健康炸醬麵及餃子𠱁中風康復中的丈夫。　記者RitaLeung、RockyHo上海直擊

趙世光太太何琍琍準備四個多月、位於上海音樂廳的法國餐廳「漾樂會」（ClubShanghai），前日正式在上海開幕，何琍琍女兒趙式平、劉娟娟、孫中山孫女孫穗芬等均有出席，更有放白鴿和小丑表演等。
何琍琍曾指會等待丈夫趙世光中風復原，一同主持開幕禮，昨日獨力支撐大局的她說：「冇法啦，因為要做生意，我都應承佢遲啲再補搞其他活動。」

「佢心急想行」
趙世光病後在港休養，近年長居上海的何琍琍指稍後會回港生活，她說：「我會返香港陪老公過聖誕同新年，佢成日叫我畀多啲時間陪佢，又話怕我辛苦，唔想我成日飛，不過我都係需要啲空間，成日留喺一個地方唔自在。」
何琍琍續說：「不過我返到屋企都鍾意做煮飯婆，佢好鍾意食我煮嘅嘢，好似炸醬麵同餃子咁，我嘅整法好健康㗎。」她又透露趙世光現時可由人攙扶下步行，她說：「中風後正常要六至十一個月先康復，佢好心急想行同返工，我哋都勸佢呢啲急唔嚟㗎。」

式平自爆甩拖
此外，趙式平半年前曾與男友出席活動，昨日她指二人已分手，她說：「因為佢要離開上海，我都冇乜所謂，夾咪一齊，唔夾咪分開囉！」