朱茵前晚在酒吧表演，幸酒客都十分斯文，但她為策安全，邀請了男友黃貫中（Paul）到場。阿Paul更教女友若遇醉客搭訕，便要充耳不聞。
朱茵前晚在尖沙嘴一間酒吧免費演出，首次到夜店表演，其男友黃貫中（阿Paul）特別監場。朱茵表示阿Paul是以唱片監製身份到來，視察她演唱現場的表現，她更稱男友一早教路，若遇上醉客，定要詐聽不見。
朱茵前晚唱歌期間大受酒客歡迎，有歌迷更上前獻花，當中卻以女性居多。
問到朱茵可擔心在酒吧演出會有混亂？她說：「我又冇諗過，呢次都有邀請一啲好耐冇見嘅朋友嚟捧場，冇擔心過。好彩冇事發生，我覺得香港嘅男士都好有禮貌。阿Paul教我如果有人撩叫我當聽唔到。」
朱茵前晚穿上斜膊上衣和短裙，她說：「着衫都做足安全措施，盡量密實，將危險性減到最低，安全最緊要。不過我揀衫都係要睇場合。」
朱茵直認阿Paul是她邀請前來的，她說：「佢係我嘅唱片監製，專登嚟聽我唱現場，聽完畀啲意見我，呢樣好重要，我唱嘅三首歌都係阿Paul幫我作，佢教我唱歌要用最舒服嘅方法去唱。」
此外，朱茵表示這次演出沒有酬勞，她說：「我當唱片宣傳，一啲都唔介意，咁宣傳吓人哋都知我出唱片。」問到朱茵可有計劃開小型音樂會，她說：「我希望吸納多啲歌迷先，我重好有興趣唱吓校園騷。」
採訪、攝影：魯萍
