又到聖誕，一個令人頭痕的日子，又要交稅又要揀聖誕禮物確實頭痛。Anyway，錢是用來花的，以下是小弟近排心水的聖誕禮物，寫出來給大家參考！ 文：H
可能你對原版已經着殘，又或七年前你無錢買，明天出的AJXIII黑紅「復刻」，的確是佐敦迷的最佳聖誕禮物；當年「祂」也是穿這鞋打最後一次季後賽的！
以前買NBA落埸服裝一定靠水貨，現在有Reebok大量引入，價錢重平過美國；其中火箭落場外套係我心水，𠵱家重有折㖭！
你男朋友「無一忽」似碧咸，惟有買套碧咸裝畀佢，等自己幻想一下吧！Impossibleisnothing嘛。
黑色的T-Mac4真係好靚，小弟每次着出街也惹來豔羨目光；有人話HUG系統包得唔緊，但我覺得OK，最緊要買的時候試清楚size。
Nike復刻佐敦公牛球衣系列，五款又紅又白最襯聖誕，不過要諗下冬天點襯背心……
冇睇錯，唔係580，呢對576係小弟近年覺得顏色最靚的一款，紅得有層次，價錢亦冇水貨580咁癲，推介！
為咗男讀者，都要介紹一啲「女鞋」給各位，行貨推出灰/粉紅及黑/粉紅係一個不錯的選擇。
各位讀者，記住喺聖誕之前將這篇文章有意無意給你的伴侶、朋友或家人一看，或有意外驚喜呢。