梁漢文昨日與余文樂、關心妍及Cookies到屯門出席《齊心滅罪耀屯門》活動，他前日在電視城綵排《勁歌》時跌傷腳，須縫十針。昨日他撐着枴杖，並由助手攙扶出現，他表示傷口很痛，換衫花了一小時，洗澡時則要以防水膠紙保護傷口。
梁漢文表示有買保險，他只望快些康復，並說：「我知道無綫一啲工作人員因為呢件事要孭鑊，管理層話要追究責任，我覺得既然發生咗，大家以後小心啲，我都唔想追究，搞到有人孭鑊或者冇咗份工，希望無綫網開一面。」梁漢文謂無綫高層樂易玲也致電向他問候，而他平安夜會返醫院拆線，若傷口不好，一月一日就要做手術。
至於《勁歌》監製陳競游昨晚則在電視城說：「我一定會追究，無綫係有欄杆嘅，點解明知有危險都唔用？梁漢文綵排前，古巨基綵排都差啲跌，如果影響到節目點算？」
採訪、攝影：魯萍