立法會同行政會議上個星期開完本年度最後一次會，理論上咁多位議員就可以放番個長假，直至明年一月四號同五號先復會，身兼立會同行會成員嘅周梁淑怡話，自己計劃去幾日泰國，因為做咗行會，就有責任在身，唔方便去太長途嘅旅行。咁又係，香港政府管治不濟，問題日日新鮮日日咁，真係要睇實啲先得。
周太又感歎話，以前一直覺得民主黨最麻煩最難搞，點知班大狀入咗立法會重大鑊，直情可以話係法律界人士治港，因為佢哋長於睇複雜嘅條文，成日俾佢哋捉到政府嘅漏洞，政府嘅回應能力又差，以後都唔知點管，至於領匯單嘢，佢梗係話影響香港國際金融中心嘅地位，周梁同鄭大班，一定冇偈傾啦。
今次周梁去泰國，唔知係咪算係冇眼屎、乾淨盲。
傳真︰2623-9278
電郵︰