女子組合Cookies、鄧穎芝、余文樂、鄭融等昨日出席在灣仔會展舉行的「亞洲遊戲展」活動，Cookies在遊戲展會場上，試玩賽車遊戲，當中以Kary的表現最佳。
Kary說：「我本身都鍾意打遊戲機，我十八歲生日時，屋企人就送咗部遊戲機畀我。」
Theresa表示日前和Miki行街時突然暈倒，後來被送往醫院，Theresa昨日說：「我都知自己最近精神狀態唔係咁好，醫生都話我疲勞過度。」
前日有報道指鄧穎芝的歌迷大叫薛凱琪做「長頸鹿」，鄧穎芝說：「我今朝睇到報紙都唔開心，我覺得咁樣好唔啱，我會返去教訓啲fans，每個人都有缺點，就算係都唔可以話人哋，我會話班fans，同埋見到薛凱琪會親自同佢講。」
採訪、攝影：卓寶花