官恩娜（Ella）前晚在尖沙嘴海港城主持聖誕燈飾亮燈儀式，又為在場三十對男女的交友聖誕派對活動揭幕，Ella更即時向男士畀貼士，叫他們要主動出擊，但切忌「猴擒」。
Ella表示自己從未試過上網交友，但就曾參加過六人配對晚宴，她說：「兩年前，我有位女朋友拉埋我參加，坐我對面嗰個男仔做文職，全晚狂問我嘢，對眼又發晒光咁望住，好驚，真係唔得！」
Ella又自爆曾遇過男性友人「猴擒」個案，她說：「我二十歲啱啱返香港，同個舊男性朋友食飯，之後佢四圍話畀人聽，話我係佢第三類朋友，第一類食飯、第二類拖手拍拖、第三類係有親密關係，真係有妄想症，我幾嬲！之後狂鬧佢，重同佢絕交囉！」
採訪、攝影：顏英儀