香港果然富裕，連細路都講理財，恒生最近推出一個叫「智多Kid」嘅理財戶口，有存款有投資有保險，幫啲家長為子女安排未來。銀行界老友話，近來貸款生意難做，所以要多動腦筋，理財服務肯定係大勢所趨，問題係人人都搞呢瓣，你點搶客啫。
恒生當然有橋啦。既然以細路為對象，咪同佢玩囉，例如久不久開嘉年華，又如年尾安排七千人吹牧童笛創世界紀錄。噚日，佢哋又趁禮拜搞聖誕Party，竟然吸引咗一萬個小朋友嚟玩──係一萬個！唔怪得鄭海泉升做滙豐第一個華人大班。
（圖）恒生搵嚟一班小朋友，以叠羅漢方式推廣個「智多Kid」理財戶口。
傳真︰2623-9278
電郵︰