長毛去唔到澳門向國家主席胡錦濤請願，噚日就轉到沙田，為自己嘅流動辦事處舉行開幕禮。呢個辦事處冇寫字枱、冇電腦、只係得四個轆。原來流動辦事處係一架貨van，長毛話架車會去勻全港九新界，方便接受市民投訴。
長毛同八方講，其實去唔到澳門都有啲遺憾，所以今日可能會再次闖澳，睇吓可唔可以喺胡主席面前數臭董建華。不過，長毛細細聲講，因為上次去澳門時有啲兄弟冇錢，所以要出埋佢哋嗰份錢，計落都幾「揦脷」。
（圖）長毛（左）噚日為自己嘅流動辦事處開幕，重話架車會行勻全港九新界。
司徒世華攝
傳真︰2623-9278
電郵︰