移居內地的邱海寧與夫婿蔡充前晚在上海出席派對，邱海寧戴着前男友徐展堂所送、價值逾五百萬的翡翠頸鏈示人，她更為前男友大講好話，盛讚他「有義氣、愛幫人」。
超級名牌卡地亞（Cartier）前晚為上海旗艦店開幕舉行大型派對，新店外牆以激光投射豹紋、卡地亞logo等，場面壯觀。中、港、台三地女星包括內地藝人李冰冰、台灣演員賈靜雯、歌手伊能靜、安雅等，性感到場鬥搶風頭。
近年移居上海的邱海寧與夫婿蔡充結伴到場，邱海寧戴上一條珍貴的翡翠頸鏈，她大方表示是全國政協委員、北海集團主席前男友徐展堂所送，價值超過五百萬，她說：「好多年前嘅生日禮物囉，係佢（徐展堂）喺蘇富比拍賣行買嘅，以前唔識欣賞，𠵱家襯旗袍都好靚。佢以前送畀我嘅都係好名貴。」
問邱海寧佩戴舊愛禮物，丈夫可會呷醋？邱海寧說：「佢冇過問，都過咗去囉，不過我𠵱家鍾意朱義盛，戴起上嚟冇咁大壓力。我以前試過戴玉鈪開門打碎咗，好心痛。」
邱海寧續說：「佢（徐展堂）其實係一個好好嘅人，傳媒成日話佢經濟出問題，嗰時九七年，人人都面對經濟壓力㗎啦。佢為中國文化出好多力，捐咗好多古董畀博物館。佢份人好有義氣，又愛幫人，連司機嘅仔女，都會送佢哋去讀書。」
此外，李冰冰獲ChristianDior贊助靚衫赴會，提到早前出席萊卡活動，她與李玟亦同獲Dior贊助，有報道指李玟耍大牌，偏要爭李冰冰揀好的新裝，李冰冰對此事直認不諱說：「不是她提出，是萊卡出面要求，但我已經選好，很合我，我又沒有其他衣服替換，就拒絕她們了。」
李冰冰又表示不會嬲李玟，她說：「大家都是演員，都有為難處，都愛美麗東西，我也有聽她的歌，私底下她人很熱情的。」
記者RitaLeung、RockyHo上海直擊
