大狀梁家傑做咗兩個幾月議員，本來想趁呢個聖誕同新年假期去旅行唞吓，不過佢上星期抽到支好籌，喺一月五日嘅立法會上提動議講西九龍，於是密鑼緊鼓準備陳詞，誓要負責項目嘅政務司司長曾蔭權延長諮詢期及改變單一招標嘅做法。
講開曾蔭權，呢排做西九項目，俾人話係為咗競逐下屆特首鋪路，佢噚日接受商台訪問時就話，諗埋爭做特首呢啲嘢，咪盞諗「創」個心。佢話𠵱家最重要係點樣搞好目前要做嘅嘢，為香港一齊去掙扎，希望呢次經濟復甦可以做得更好，更加完善，社會更開放，更加自由，同少啲爭拗喎。
（圖）曾蔭權（左）噚日陪同全國人大常委會副秘書長喬曉陽（右）主持《基本法》圖書館開幕禮。
傳真︰2623-9278
電郵︰