近排喺西九龍文娛藝術區問題上，同政府鬧得好僵嘅灣仔區議會主席黃英琦，噚日出席一個打擊家庭暴力嘅活動，大談夫妻相處之道。眾所周知，黃英琦同現任丈夫、前工商局局長周德熙感情好好，黃英琦憶述番第一段婚姻嘅失敗原因，係因為雙方都唔識得尊重對方，所以佢覺得夫妻相處最緊要係互相尊重同包容，就算大家嘅睇法唔一樣，都可以「大事變小事，小事變無事」。
八方聞言為之感慨，如果政府識得好似黃英琦咁諗，西九單嘢就唔使咁頭痕啦。
（圖）黃英琦（前排左）主持打擊家庭暴力活動，憶述前一段婚姻失敗經驗。
傳真︰2623-9278
電郵︰