《機場客運站》室內版《劫後餘生》

由湯漢斯擔正嘅《機場客運站》，與之前《師奶殺手》相比，票房、口碑都明顯好得多，加上故事腳本由真人真事改編，睇落更有感染力。不過最正係湯漢斯嘅演技，好有當年《劫後餘生》嘅黑色幽默魅力，在同期電影之中亦係一部突出作品。今個星期新返3區DVD，錯過入場欣賞的值得捧場。

記者：許福合

這套《機場客運站》卡士絕對不弱。湯漢斯拍老拍檔兼大導演史提芬史匹堡，於荷李活已經叫好叫座，而到咗香港，即使缺乏宣傳，但題材啱香港人口味，仍然可以跑出。有近千萬票房成績，以同類小品式電影來講，已經相當不俗。

劇情充滿人情味

唔少人都覺得此片係室內版嘅《劫後餘生》，不同嘅係機場比荒島多了許多人同事，令劇情更豐富，充滿人情味。故事一開始講到，維克多（湯漢斯飾）因為祖國戰亂而決定移民，只帶着簡單行李飛往美國。當他到達紐約甘迺迪機場下機準備出機場時，卻過不到海關。原來祖國發生政變，維克多護照、身份證件、移民檔案全都失去效用，既不能出境，又未能回國。變成無國家嘅人。英語又不會講，無奈之下，只能住在機場客運站，以Gate67為家，要洗澡到洗手間，再憑朋友照顧及替旅客服務賺取生活費。不過機場負責人弗蘭克看不過眼維克多，經常作出種種刁難。直到政變結束，證件再次有效，維克多才有機會走出機場。

布景搭建認真

唔講可能觀眾唔會發覺，雖然劇中提到係甘迺迪機場，其實拍攝場地在一個軍用機場搭建，布景耗用650噸鋼材，還有兩架大型自動扶梯，需時5個月，建成一座與真實機場一樣擁有候機廳、商店、辦公室同出口等攝影場地，出來效果相當逼真。再加埋超過23個國家各色人等，做成一個真正機場客運站！
故事雖然簡單，不過仍可在平凡中帶出趣味。維克多跟機場幾位職員，由最初誤解，變成為好友。又為咗換取一餐飯，不惜為膽小男仔追女仔，更成全一段婚姻。另外還有維克多本身一段霧水情緣，亦有喜劇情節穿插其中，雖然唔會令人捧腹大笑，但增添不少劇中人情味。

演技派發揮

睇得湯漢斯嘅戲，當然唔少得欣賞演技發揮，湯漢斯由最初嘅茫然，到最後嘅自得其樂嘅滿足，可以話演得淋漓盡致，大可媲美《劫後餘生》嘅水準。不過奇怪嘅係角色造型，因為此片基本上由真人改編，真正在機場逗留咗19年。而戲中角色造型竟無大改變，感覺上只停留一段短時間，令主角經歷不夠「慘」，有點唔夠喉。

演技派發揮

睇得湯漢斯嘅戲，當然唔少得欣賞演技發揮，湯漢斯由最初嘅茫然，到最後嘅自得其樂嘅滿足，可以話演得淋漓盡致，大可媲美《劫後餘生》嘅水準。不過奇怪嘅係角色造型，因為此片基本上由真人改編，真正在機場逗留咗19年。而戲中角色造型竟無大改變，感覺上只停留一段短時間，令主角經歷不夠「慘」，有點唔夠喉。

必睇Bonus：為拍戲起座機場

雙碟裝DVD內包括有一隻BonusDVD，睇過正場後，才睇Bonus可謂大開眼界，尤其講到機場布景如何大興土木塔建，其製作認真程度，非一般電影可比！另外還有電影花絮、配樂等，都好值得欣賞。