滙豐銀行大班艾爾敦演講叻係人都知，原來佢唱歌都唔弱。噚日中環滙豐總行地面廣場搞咗個學生營商展銷會，邀請艾爾敦致開幕詞，點知一出場，佢竟然話不如唱出嚟啦，然後就開始唱大家耳熟能詳嘅應節聖誕歌《JingleBell》。
咪住，聽真啲原來唔係《JingleBell》，係「StuffthatSells」，原來佢改咗歌詞，呼籲大家幫襯在場嘅攤位。艾爾敦今勻唔單止有心思，而且重唱得幾好聽㖭。
其實呢個展銷會係第二年由滙豐贊助主辦，今年有四十九間中學、超過一千個同學成立嘅公司自設攤位，即場向唔同人士推銷，有學生哥重向艾爾敦太太推銷成功㖭。
（圖）滙豐大班艾爾敦一出場就唱出由《JingleBell》改編嘅「開幕詞」，真係有心思。梁鑑章攝
傳真︰2623-9278
電郵︰