好多人都知，林百欣對余寶珠所生嘅細仔林建岳特別關愛，雖然岳少幾乎令麗新發展沒頂，但電影《無間道》名利雙收，岳少再次吐氣揚眉，林百欣亦正式畀岳少做佢嘅接班人。
日前麗新系四間公司包括麗新製衣、麗新發展、麗豐同鱷魚恤一齊發通告，內容係林百欣將手上麗新製衣全部股權轉咗落名下嘅私人公司，繼而將間私人公司「送」咗畀余寶珠同岳少。由於麗新製衣揸住麗新系其他公司，換言之，林百欣即係將自己嘅上市王國送晒畀佢哋。
經營成衣起家嘅林百欣，有四位太太，賴元芳同佢生咗長子林建名；顧瑞英同蔡艷如則為林伯各生咗一個女兒分別為林明珠同林淑玲。有報道話，林伯嘅上市王國由岳少打理，其他兒女則會獲分非上市嘅收租物業投資。
傳真︰2623-9278
電郵︰