香港傷殘青年協會前晚喺君悅舉行三十五周年籌款晚會，董太着到靚靚做主禮嘉賓，點知一入場，就俾一個國內鐘表收藏家梅強年纏住，佢即場追住董太，將自己本簽名著作，強行送畀董太，重自誇話係「全中國最齊全嘅表書」。
呢位梅生捐咗幾隻古董表拍賣，董太見幾十架相機影住，惟有笑笑口收咗，講句：「你真係有善心！」董太同董生一樣，見親記者一向都有啲驚，問佢有冇儲手表，佢即時話：「我邊有咁多資源啫，不過都有幾隻。」佢重話聖誕節會同啲孫一齊開心吓，但未諗到送咩畀老公。而董建華弟婦董溫子華就話聖誕會開六十人派對，親自下廚整火雞同三文魚，又話希望來年《董浩雲日記》可以出英文版㖭。
傳真︰2623-9278
電郵︰