又到聖誕,噚日喺置地廣場已響起聖誕歌聲,並由全港最富貴嘅詩歌班獻唱──美資證券大行之一摩根士丹利董事合唱團主唱。其實今次已經係佢哋第二年唱聖誕歌籌款,今次參加嘅董事人數逾三十人,籌得款項達二十萬元,高於去年嘅十七、八萬元。
為咗答謝捐錢贊助佢哋唱歌嘅員工同客戶,呢班富貴合唱團都算交足貨,踏正中午十二點半,就連續唱咗成七首聖誕歌,重有一班嚟自保護兒童會嘅小朋友伴唱,唱得好有水準。有關善款將會透過《南華早報》送予多家慈善機構。
(圖)大摩亞太區主席文禮信(中)話佢哋唔只鼓勵員工捐款,重鼓勵佢哋多參與社區活動,善用佢哋嘅能力服務社區。
程志遠攝
傳真︰2623-9278
電郵︰