近期傳出有模特兒經營副業，名模周汶錡前晚在銅鑼灣出席車行宣傳活動，她直指事件「好無聊」，更揚言清者自清，不怕影響模特兒形象。
仁孚車行前晚在銅鑼灣舉行五十周年派對，請來名模周汶錡（Kathy）穿上LuluCheung新裝，在多架平治新車前示範多套周生生珠寶，名車、珠寶、美人、靚衫，全是賞心悅目的奢華美事。
近期盛傳有模特兒經營副業，問周汶錡對此有何睇法，她說：「好無聊呀，我都有睇報道，都唔知講邊個，話混血model喎，咁多個講邊個先得㗎，都冇理據。」問她有關事件影響模特兒的專業形象，她說：「唔怕喎，呢啲嘢清者自清，若果係真，都會明目張膽咁寫埋名啦。」
提到車經，周汶錡表示上周因超速被抄牌罰款，她說：「我考咗牌六年來，第一次俾人抄牌咋，嗰日我趕時間，開到一百咪，我諗都要被扣分。」
周汶錡現時揸MiniCooper，問她珠寶與車，如何挑選？她說：「我梗係要車啦，車可以日日揸，珠寶就唔知邊套真、邊套假？」她謂自己的dreamcar是跑車，她說：「最好跑車連埋司機啦，因為我唔識揸跑車㗎。」
採訪、攝影：EddieWong
