究竟咩先至係好老細呢？做事認真，才幹過人就梗係要啦，但其實同下屬打成一片都好重要，唔可以吓吓擺個老細款。好似警方毒品調查科總警司葉流全，貴為部門阿頭，應該高高在上，但係八方噚日喺佢辦公室門口見到一張海報，呼籲同袍參加聖誕聯歡會，葉sir鼓勵下屬一齊玩固然係親民，但最搞嘢係張海報上面個聖誕老人，就用電腦技術加咗葉sir個頭落去（圖），睇得出佢平時應該冇乜架子。
八方覺得葉sir絕對有資格去教吓啲管理學課程，教嗰啲平日成日擺老細款嘅上司，點樣可以得到人心。
傳真︰2623-9278
電郵︰