講到思想教育，共產黨認第二，冇人敢認第一，不過香港都有一間機構喺呢方面相當耍家，就係大名鼎鼎嘅香港賽馬會。係人都知馬會最本事嘅係，一方面勸人唔好沉迷賭博，一方面教人賭波賭馬賭六合彩；而中共呢，就一方面自封係人民政府，一方面就從來冇民主選舉。
所以，搵馬會嚟推廣國家意識愛國情操就最合拍，噚日就有一批香港中學生接受咗馬會贊助，一行一百七十位同學出發到北京嘅中國人民大學，接受一連十日嘅「國情教育課程」，學習吓中國嘅歷史文化同政治經濟咁。
八方希望呢班經過千挑萬選嘅高材生，可以從親身經歷，體驗到真正嘅「國情」，而唔係人哋畀乜你，你就學乜啦。
（圖）呢班中六學生將會喺人民大學上堂，了解中國文化。
傳真︰2623-9278
電郵︰