渣打銀行大班蘇利民，今年第一次喺香港過聖誕。聽佢講，佢兩個仔女好快就會喺英國飛過嚟陪佢，至於慶祝聖誕就無乜特別，都係一家人聚吓啫。有記者問佢，留港點支持香港經濟呢？佢話：「我太太會支持香港嘅零售業喇！」雖然第一次喺度過聖誕，但蘇利民其實已經嚟咗香港一段時間，佢話已有好多行家提醒佢，喺香港應酬多，要注意飲食，佢就話自己都學緊自律，每朝都有做四十五分鐘運動，盡量keep住囉。
除咗第一次在港過節，其實做銀行公會主席，都係蘇利民嘅第一次。公會會期喺噚日開埋最後一會後結束，蘇利民回顧，都話年尾突然接王冬勝手做銀公主席係意料之外，不過工作大致順利。
傳真︰2623-9278
電郵︰