衞生福利及食物局局長周一嶽上任冇耐，就要處理中央屠宰呢個棘手問題，周局長梗係唔夠膽偷懶，噚日巡視黃大仙大成街街市，收集雞販意見，但係就俾啲雞販鬧到面懵懵，搞到局長好冇癮。
行吓行吓、唔覺唔覺行咗成個鐘，局長行到攰攰哋，走咗去街市頂樓飲茶唞唞，重話請埋記者飲。但在場十幾個記者職責所在，只係圍住局長影相同想做訪問，冇理局長請飲茶嘅好意。最後周局長使出絕招，話自己冇新嘢講，叫記者唔使咁緊張。結果一眾記者好乖咁坐低叫嘢飲，搞到局長使咗二百四十蚊。
（圖）周一嶽（左）噚日巡街市，行到咁上下坐低請記者飲茶，埋單要成二百幾蚊。
曾顯華攝
傳真︰2623-9278
電郵︰