有肥何之稱嘅何志平都算好嘢，搞咗咁多單大鑊嘢都冇事。
八方有一日見到佢老哥，問佢做咗問責局長之後係咪肥咗好多，佢猛咁點頭話係。鬼咩，日日夜夜都有應酬，如果唔忍得口，實冇命。
咁有冇得閒做吓運動呢？肥何好直接話，「冇時間」。八方當然唔信，點知問極佢都話冇時間，至於重咗幾多磅，佢就苦笑話，「唔講得」。何局長有幾忙，八方不得而知，不過，幾忙都好，有啲嘢都不應少做，好似今次平機會委任新主席，有消息話佢竟然冇親自打過一個電話畀同佢捱咗成年義氣嘅朱楊珀瑜，之前冇，之後都冇，咁又實在那個咗啲，唔怪得朱太嬲起嚟，冇一年約就寧願唔做啦。
老董同肥何都係冇可救藥，次次委任啲公營機構嘅阿頭都有問題，一係遲遲唔公告天下，一係就出事，你叫人點對呢個政府有信心，民望咪就咁一日一日跌囉。
（圖）何局長唔止唔得閒做運動，連打個電話畀朱太都欠奉，真係有啲那個。 資料圖片
傳真︰2623-9278
電郵︰