一單領匯玩死咗成個政府咁滯，唔知係咪因為注意力都去晒領匯度，政府乘機推晒所有嘢出嚟，包括冇料到嘅政改報告、委任自己友做平機會主席、同埋胡官死都唔肯為選舉大亂辭職，等啲傳媒冇時間跟進，然後瞞天過海，諗住又過一關。
好似政改報告咁，完全冇料到，但都有成五十頁，同差唔多頁頁都有魔鬼嘅23條諮詢文件一樣咁厚，皆因報告嘅內容成日重複，單係選委會人數由八百加到一千呢一點，已重複咗三次，搞到八方以為自己睇咗本錯體版，睇嚟睇去都係喺嗰度。冬冬係咪應該好似當日紅灣要拆咁，喝住林D9唔好嘥紙，救番多幾棵樹？
傳真︰2623-9278
電郵︰