噚日原本係領匯上市嘅大好日子，雖然未能成事，但港交所噚日依然開香檳，原來係變咗慶祝周三創下港股全年成交金額歷史新高。八方心諗，可能當局一早想藉領匯上市，預備發大嚟搞。
李業廣喺慶祝儀式上話，噚日係香港證券市場一個新里程碑，今年至周三嘅成交金額達三萬七千八百九十八億元，較九七年對上一次高峯期嘅三萬七千八百九十億元已高出八億元。而上市公司嘅總市值亦早於本月二日創下歷史新高，達六萬六千四百九十二億元。佢話會繼續引進國內優質企業上市，致力提高市場質素，並會以國際標準作為監管準則，包括喺會計、公司管治同訊息披露上，均會與國際標準看齊。
（圖）港交所主席李業廣（箭嘴示）原本想夾埋領匯上市一齊搞慶祝，不過𠵱家自己慶祝都一樣啫。程志遠攝
傳真︰2623-9278
電郵︰