陳冠希（Edison）和何韻詩前晚演出音樂會，Edison邀來曾傳緋聞的張栢芝和MaggieQ捧場，另一緋聞女友Stephy則跟他合唱，甚有豔福！而何韻詩想起師傅梅艷芳時不禁落淚。
商台前晚在九龍灣國際展貿中心舉行「903陳冠希對何韻詩兩人幫派對」，陳冠希獲三位緋聞女友撐場，張栢芝和MaggieQ在台下睇騷，Stephy則上台與Edison合唱新歌《BlueSky》，而Edison胞姊陳見飛、蘇永康、劉浩龍和鄭希怡等亦有往捧場。
Edison演出時，Yumiko和栢芝表現得甚high，栢芝更上台跟Edison大跳辣身舞，Edison未料此着，只好邊跳邊笑。至於Edison與Stephy合唱時，不避嫌地密密斟，事後Edison說：「叫佢放鬆啲啫，唔好咁緊張，見佢好緊張呀。」
問Stephy有否被Edison電親？她笑說：「台上好大煙，睇得唔清楚。我唔敢，驚俾女fans掟雞蛋。」Edison及後大唱講述與傳媒關係的歌曲《幸運的我》，他表示《幸》曲是其心聲，他不想每次都被指愛「媾女」。
至於何韻詩則以濃妝上陣，穿上閃爍外套上台獻唱，不時露出內裏的白色bra，她又不時做出欲打開鈕扣的動作，舉手投足十足其師傅梅艷芳。至音樂會尾聲時，何韻詩在台上說：「上年有好多唔想離開嘅人離開咗，我嚟緊嘅新碟，係向曾經出現過嘅巨星致敬，呢首歌係寫畀佢（梅艷芳）。」之後她唱出自己的歌曲《如無意外》時熱淚盈眶，唱《明星》時更落淚。
何韻詩事後笑言年紀大了，容易感觸落淚，至於被指演出似阿梅，她說：「我唔會刻意模仿，我係佢徒弟，人哋覺得我似佢，係一種榮幸。」
採訪：胡比
攝影：林德雄
