郭晉安與張茜日前在廣州出席內地電視劇《歡樂桑田》記者會，近年安仔不斷外出拍劇搵錢，近日更準備做業主，不過他笑言買樓並非為了娶老婆，而是用來放獎座。
郭晉安和張茜日前齊在廣州為內地劇集《歡樂桑田》舉行記者會，首次合作的安仔與張茜互讚對方專業。已到內地拍劇兩個多月的安仔，表示十分想念香港，他說：「我哋拍劇嗰時係秋天都重好啲，之後天氣開始凍，就會特別想返自己屋企，感覺屋企特別溫暖，不過今次係我入行拍劇以嚟最舒服嘅一次，因為每日都有八個鐘頭瞓，食嗰方面亦都好健康。」
郭晉安自從憑無綫劇集《戇夫成龍》中的阿旺一角人氣急升後，今年財源滾滾來，就連他自己亦表示返內地拍劇的酬勞比較高。安仔說：「出面拍嘢酬勞好好，興奮到跑住去做。」
問到他可有打算獎勵自己一下時，安仔說：「我都有諗過置業，𠵱家重物色緊，我打算喺內地買樓當係投資。」問到安仔是否打算買樓娶老婆時，他說：「唔一定有樓先可以結婚，我打算買樓嚟擺獎座。」
此外，早前傳出與張衞健分手的張茜否認有其事，而提到健仔發表愛的宣言一事時，她說：「佢一向好支持我，所以自己都想做多兩年嘢先打算結婚。」
對於健仔早前被指欠債三千萬，張茜說：「我完全未聽過呢件事，如果佢真係欠債，唔該叫我一齊同佢還。」問到健仔有何優點時，張茜說：「心地好好，佢唔會迫我做家庭主婦迫我煮飯，因為我目前鍾意工作多過煮飯。」
採訪、攝影：曾小嘉
