怕凍的徐子淇日前特別從英國返港過聖誕節，她表示會趁假期休息和陪伴家人，原來徐子淇亦喜歡下廚炮製美食給親友品嘗，但廚藝不精的她笑言要找男友李家誠做「白老鼠」。
徐子淇最近從英國返香港過聖誕節，跟家人朋友歡度這個普天同慶的日子，原來徐子淇十分怕冷，面對英國的嚴寒天氣，所以決定做隻「候鳥」飛回港。
徐子淇日前說：「我好怕冷，天氣一凍，有假期就想飛返香港取暖。」
在芸芸節日中，徐子淇最喜歡聖誕節，她說：「呢個節日幾乎所有人都放假，可以大家開開心心咁去玩，聖誕過幾日又新年喎。之前每個假期返親嚟都好忙咁工作，呢次我因為帶咗三份papers返嚟做，所以都冇乜時間，得閒會多啲陪屋企人，我重買定烹飪書，整啲美食畀屋企人同朋友分享。」
問徐子淇下廚弄幾味，可會預男友李家誠一份，她甜絲絲地說：「都會㗎，坦白講我煮嘢食冇乜天份，所以家人朋友好自然會係我嘅『白老鼠』，希望佢哋唔介意啦。」
問徐子淇準備了甚麼聖誕禮物送給李家誠？她說：「重未揀好，因為我之前本來打算喺英國買晒啲禮物返嚟，不過因為時間好趕，惟有趁呢幾日上網睇吓有冇特別嘢啦。」
採訪：比華利攝影：葉君海
髮型：CalvinChan（Privatei）
服裝：PacinoWan、明氣館
