五十歲的鄧月好，患上嚴重精神分裂症，須長期覆診及服藥，月前她精神病復發，在其居住的中途宿舍走廊跳樓身亡。阿好生前與胞兄康叔相依為命，自她去世後，康叔痛心疾首，更為無力支付亡妹的一筆骨灰龕、靈位及墓碑費用，彷徨無助。蘋果日報慈善基金即時撥款解其困境。
「阿好患嚴重精神分裂症，醫生話佢隨時會做出一啲想像唔到嘅行為，包括自殺。出事前兩日，我去中途宿舍探佢，佢重好哋哋，同我有講有笑；點知隔幾日突然收到宿舍職員電話，話阿好跳樓，我真係覺得好愕然。」
五十三歲的康叔，一臉惆悵地說：「𠵱家人都走咗，我淨係希望盡番做大哥嘅一點心意，快啲辦妥佢嘅身後事，唔使成日掛心，但自己實在冇能力拎幾千蚊出嚟﹗」
其胞妹鄧月好，未婚，原本從事酒樓侍應，○二年，醫生證實她患上嚴重精神分裂症，無法工作，須長期服藥，控制情緒。月前，阿好精神病復發，突然在中途宿舍的走廊跳樓，當場不治，警方經調查後，認為死因無可疑。
康叔的雙親早年去世，他有六兄弟姊妹，阿月在家中排行第三，其他弟妹各有家庭負擔。
康叔以往從事酒樓雜工，早年與妻子仳離，自此與三妹阿好一起居住，互相照顧。
數年前，康叔因患糖尿病，須長期服藥，健康欠佳，被迫辭退工作。另外，阿好不幸罹患精神病，無法工作，二人遂依靠綜援金維生，相依為命。
近年，阿好的病情每下愈況，今年三月曾入住小欖精神病院接受治療，九月中，醫生建議她入住慈善團體的中途宿舍，助其逐步投入社會，其間，康叔每星期前往宿舍探望胞妹。
在康叔眼中，阿好為人沉默寡言，但兄妹感情深厚，康叔歎道：「其他細佬妹個個有頭家，佢哋生活都好困難，我係大哥，阿好嘅身後事梗係由我負責，但社會福利署嘅資助有限，好似買靈位、骨灰龕嘅費用全部要我自己諗辦法。𠵱家每個月都好手緊，我根本冇本事負擔呢筆費用。」
早前，康叔獲社署發放約一萬元助其支付亡妹的殮葬開支，惟資助津貼並不包括購買骨灰龕、墓碑及靈位等費用。蘋果日報慈善基金有見康叔的苦況，即時從「殮葬專戶」撥款五千元，助康叔應急。
捐款編號：C1584
暖流熱線
電話：29908688
傳真：23702192
電郵：
網址：