老董噚日見傳媒阿頭，聽取佢哋對施政報告嘅意見，不過，佢最後都係忍唔住講咗幾句領匯，鬧嗰啲幕後嘅人士「好唔啱，唔顧全港整體利益」，佢講嘅嘢同唐唐以及周梁同出一個轍，睇怕行會有咗共識。
老董一直覺得一國兩制可以喺香港落實來之不易，香港嘅經濟開始復甦亦要珍惜，但承認政府有啲嘢做得唔夠好，要吸取經驗，但係佢就死都唔認有官商勾結或者利益輸送，因為香港既有傳媒同立法會監察，亦有老廉。
佢好無奈咁話自己左右做人難，因為「聽意見就俾人話弱勢政府，唔聽又話政府霸道」。畢竟香港係一個多元化社會，八方都覺得董生宜多聽不同意見。
重有唔好話八方唔提醒佢，嫻姐預先張揚，如果佢喺施政報告唔提會有一個扶貧政策或者委員會，就一定會郁佢，老董猛點頭，睇嚟佢已收到。
傳真︰2623-9278
電郵︰