唐寧今年人氣急升，工作大增，連聖誕也將在工作中度過，唐寧為獎勵自己過去一年的努力，日前已購買Tiffany指環和頸鏈送給自己，更計劃明年一擲約三十萬購入AudiA4夢想座駕。
唐寧今年聖誕節工作忙個不停，平安夜要到內地東莞登台，翌日又要返港宣傳，之後再往樟木頭領取於無綫台慶夜抽中的六十萬獨立屋。
雖然馬不停蹄開工，但唐寧日前在尖沙嘴接受本報訪問時說：「今年要一路做嘢一路過聖誕節，冇所謂啦，我都唔出去玩嘅，玩又要用錢。」唐寧笑言工作完畢後，會跟家中四頭愛犬開P慶祝，她說：「我當佢哋好似人一樣，同佢哋開party，買靚衫同狗糧畀佢哋，屋企又會擺棵聖誕樹做布置。」
唐寧表示今年不時往外地工作，頗為勞累，加上她在本月生日，適逢聖誕將至，故此日前她買了Tiffany戒指和頸鏈獎勵自己，不過唐寧表示最希望明年可買一部價值約三十萬元的AudiA4。
唐寧說：「我嘅聖誕願望係喺香港買樓，呢樣嘢我會繼續努力，同埋我想買部靚車，三十萬度啦。一來可以載埋啲狗，二來方便工作，重可以載阿爸阿媽出街㖭，老人家方便上落。𠵱家我揸緊二手車，我都考咗牌好多年，都係時候買部新車啦，希望農曆新年後可以買到我人生中第一部新車啦。」
採訪：朱倬誼 攝影：陳志嵐
化妝：RayondYip（MaeVonMakeupInstitute）
髮型：JamesSiu（LOBBY）
服裝：SISLEY 場地：LOBBY
