袁彩雲數月前為鼓勵自己，以三十六萬購入新款積架X-Type旅行車，雖然等足三個多月新車才到港，但她獲得車行送贈其英文名CY字母的車牌，買了新車又令她更積極工作搵錢，故彩雲認為物有所值。
袁彩雲早前購入新款積架X-Type旅行車，作為的聖誕禮物及生日禮物獎勵自己，她說：「其實我等咗三個月先收到架車，積架一直都係我心目中嘅dreamcar，我以前覺得等到我退休先會買到，估唔到我𠵱家已經可以，所以都好開心，而且我屋企人成日喺外地嚟探我，咁買咗車佢哋可以坐得舒服啲。」
雖然車價三十六萬元，但彩雲仍覺值得，她說：「內櫳係sport版，香港係第一架，因為我想成架車可以襯番自己，佢哋唔單止唔使我加錢幫我改，重送咗個CY字母車牌畀我，我英文名係YuenChoiWan，唔使投車牌都有個咁靚嘅車牌，好開心。」問到她車身黑色可有特別意思，她說：「冇㗎！我自己好鍾意黑色，感覺好高傲、好強！」
袁彩雲表示購入新車後令她更努力工作，她說：「睇到架車更加有推動力，以後要努力做嘢。」彩雲對於愛車讚不絕口，更表示車尾十分寬敞，可以擺放其心愛的高爾夫球球具，她說：「我𠵱家一得閒就去打golf，可以挑戰自己，始終打golf係冇人可以幫到你。」
採訪、攝影：王崇穎
