孫公呢輪日日都唔得閒，差唔多唔使返屋企陪老婆，因為單單大嘢都關佢事，噚朝佢喺立法會就俾鄭家富激到生蝦咁跳，話阿富屈佢，話愉景灣過去二十一年收租七百幾萬係「滋尾」問題，其實佢唔係咁嘅意思。
孫公當時發晒火，到咗下晝，佢又再去立法會聽西九，臨走發覺唔見咗隻結婚戒指，要勞煩保安人員同佢入番去議事堂搵，好彩隻戒指真係跌咗喺裏面，有驚冇險，同老婆有得交代，孫公當堂有番笑容，剛好有班同學嚟立法會參觀，佢同周太就同大家影咗張大合照，暫時放低領匯嗰單杰嘢，輕鬆吓。
又係姓鄭嘅搞鬼，孫公真係見到姓鄭都怕怕。 陳慧兒攝
傳真︰2623-9278
電郵︰