賭王何鴻燊噚日可謂好事成雙，繼早上於香港公開大學接受博士學位後，晚上又喺君悅酒店接受法國政府頒授法國榮譽軍團司令勳章，表揚佢為中國、法國及香港三地作出嘅貢獻，由法國駐華大使高毅頒授。
賭王不少好友紛紛前來慶賀，包括有超人李嘉誠、呂志和、蘇澤光、王䓪鳴、張敏儀、李國寶三父子，以及其好友廖碧欣。
缺席上午公開大學受銜儀式嘅二姨太藍瓊纓一身黑色低胸套裝，率領住何超瓊、何超鳳及何超蕸三位女兒壓軸出場支持賭王授勳。而賭王受勳後話：「真係卻之不恭，受之有愧，不過能夠參與中港法交流好有意義，我自己對法文剩係識得『今晚打老虎』一句」。
傳真︰2623-9278
電郵︰