地產財團近日向傳媒發功，「邀請」好多傳媒環遊歐美博物館，所以近日好多報章都出現一啲好似廣告嘅新聞，猛話外國藝術博物館可以點樣同香港「合作」，講到似層層，令人以為香港雖然超唔到倫敦，趕唔到紐約，但就快可以追到巴黎。
其實香港畫家亦有好多揚威異域。女畫家蘇美璐，喺英國學畫，專攻水彩，後來做咗英國好多兒童讀物嘅插圖大師，喺嗰邊好起朵。佢有一個畫展，今日起一連三天，在中央圖書館展覽館舉行。蘇小姐啲水彩插圖，擅長珍禽野趣，田園山水，風格好清秀，重同蔡瀾近二百本著作畫封面㖭。地產商有眼不識泰山，香港大把藝術天才，使乜請班傳媒去狂拜洋菩薩吖？
傳真︰2623-9278
電郵︰