國指升59點，升幅1.3%。中企C輪2204收11.1仙，升幅4.7%，升得未夠，溢價縮到1.4%，槓桿率則仍有12.7倍，條件吸引。
中石化C輪2241：國指跑贏其他指數，中電信（728）係功臣之外，中石油（857）亦有功勞。兩隻大國企拉動國指24.9。隔晚油價好啲，中石油與中海油（883）有運行，分別上升1.8%與1.2%。
中石油末日C輪2144，由6.9仙飛上10.1仙，升幅46%，有18球易手。隻輪溢價0.6%，槓桿率41.3倍（平水輪唔使理有效槓桿率與引伸波幅），正股斗零一毫上落，隻輪可以升跌50%甚至更多，本月28日最後交易，賭末日輪要計住時間。中海油C輪4580，收48仙，升12%。
油價可能短期內重有些少升幅，吼油輪短炒，可以諗吓中石化C輪，博正股帶動。中石化（386）收3.15元，冇起跌，趁低買佢嘅C輪啱晒，對象係微跌1格嘅2241，輪價25.5仙，溢價12.2%，槓桿率12.4倍（有效5.8倍），引伸波幅36.4%，明年6月先至到期，暫時咪嫌溢價高。
新地C輪2252：新地（016）最高77.50元，最低76.50元收市，跌0.50元，個勢反覆向好，有平貨之時，吼低揸C輪2252。隻輪明年2月到期，輪價48.5仙，溢價3.1%，槓桿率15.8倍（有效10.1倍），引伸波幅27.3%，數據睇得吓。
C輪2276明年3月到期，輪價46仙，溢價4.1%，槓桿率16.6倍（有效9.8倍），引伸波幅25.6%，亦可一併留意。
章盛