克羅地亞鋼琴手Maksim最近再憑新碟《VariationsPartI&PartII》，喺本地唱片市道低迷時創出銷量佳績，推出短短日子，已經賣出超過一萬張。
早排去過日本嘅Maksim重俾當地傳媒形容為繼裴勇俊之後另一「師奶殺手」，但Maksim日前接受我大口羅拉訪問嗰陣，就表示唔想同俊哥比較，更不屑做「師奶殺手」，反而新進性感組合Wild令Maksim表現得非常醒神。
Maksim早前揀咗東京做新碟《VariationsPartI&PartII》世界發表會場地，重有新進性感索女組合Wild喺音樂會上為佢伴奏。Maksim日前喺本地接受訪問嗰陣，見到在場唱片公司宣傳人員揸住Wild嘅新碟《Time》，即刻由好cool變得好雀躍，主動要求工作人員畀隻CD佢，重對住唱片上嘅靚女目不轉睛㖭。
雖然Maksim早排去日本嗰陣被當地傳媒封為繼裴勇俊後另一位靚仔師奶殺手，但佢就好唔想同俊哥相提並論，重對「師奶殺手」呢四個字幾厭惡，即時喺記者面前做出一個好不屑嘅表情。不過，嚟過香港七次嘅Maksim都好錫班fans，佢話：「我每次嚟香港，都有班好忠心嘅少女fans接機同送機，我好記得佢哋！」