陳敏之自跟揚明分手後，先後跟洪天明和鄭嘉穎傳緋聞，敏之日前公開表示愛情和麵包，她覺得麵包更重要，因為她是家中的經濟支柱，為了拒絕身邊的狂蜂浪蝶，敏之決定三年內做「絕緣體」。
陳敏之在無綫新劇《天涯俠醫》中扮演一名主動追求林峯的女病人，可是現實生活中，她自跟舊愛揚明分手後，感情卻一片空白，敏之還公開表示三年內堅決做「絕緣體」，專注發展演藝事業。
問到敏之為何這樣堅決三年內不拍拖，她說：「因為我覺得拍拖幾煩，除咗因為感情有拗撬時，會好影響心情同工作之外，自阿爸一年前離開咗，我就成為全家嘅經濟支柱，媽咪身體唔好，細佬重讀緊書，我要撐起頭家，根本唔容許分心去拍拖。愛情同麵包，我都係實際啲揀麵包先。」
儘管如此，她的朋友仍是很擔心弱質纖纖的敏之，敏之說：「朋友雖然成日刻意製造機會畀我，不過我就一早同佢哋講定咪亂嚟，我𠵱家唔鍾意男人，我都好擔心朋友會誤會我有女同性戀傾向，不過我可以肯定自己嘅性取向係百分百正常。」對於跟洪天明和鄭嘉穎的緋聞，敏之堅決否認：「我盡量唔會製造機會畀自己同異性單獨外出，而天明同嘉穎都係我嘅好兄弟咋，冇可能發展。」
敏之稍後會拍攝無綫新劇《胭脂水粉》，她近日趁有空檔便隨鄧萃雯到藝人之家，敏之說：「始終我哋做藝人面對好多壓力，平時又冇乜嘢地方抒發，所以返下教會，同教友聚會一吓都好有寄託。」
採訪：比華利
攝影：仇志德
髮型：RayHui（IlColpo）
服裝：MissSixty
