原子鏸前晚在會展新翼出席平治房車活動，提到聖誕，原子鏸表示會聯同胞姊和胞弟一同到內地，與母親鄭佩佩共度佳節。問到男友鄧健泓會否同行，原子鏸迴避地表示二人好少見及少通電話。
趙世曾與女友Wendy、胡應湘兒子胡文新、告東尼夫婦和原子鏸等，前晚在會展新翼出席平治房車活動，參觀多部名車。
原子鏸單拖赴會，她透露自十六歲已經擁有車牌，她說：「最近一次坐朋友順風車，犯咗交通條例俾警察截停，當時佢都唔係咁好禮貌，不過個警察見到我即刻態度轉咗，話好鍾意睇我媽咪做戲，最後就冇畀告票我朋友，我覺得個警察唔係幾好。」
談到如何歡度聖誕，原子鏸透露會與美國回港的胞姊和胞弟，到內地和母親鄭佩佩一家人過聖誕，問到她的男朋友鄧建泓會否同行，她則迴避地說：「大家都好少見，我自己都好忙，少啲通電話。」問到她感情是否有變時，她說：「冇乜嘢，不過我想大家都係集中喺工作好啲。」
早前趙世曾的勞斯萊斯座駕意外燒毀，問他會否有興趣買新車？趙世曾說：「嗰件意外嘅索償問題未搞掂，不過自己今日嚟睇吓，都冇乜需要買新車。」他又表示聖誕會與女友去馬來西亞公幹兼共度佳節。
採訪：RitaLeung
攝影：HoKwokHo
