曾太有命，煲呔哪敢不從？
八方噚日講過，曾太見老公近日成日被人批評獨斷獨行，特別提佢要虛心多聽意見，果然煲呔噚日全日面掛笑容，差唔多隔一陣就𠵱開個口，實行任鬧唔嬲。
打從早上主持西九展覽開始，煲呔已經一反常態。佢架車未到，李麗娟就提大家千祈唔好阻請願人士，好似民主黨黃成智佢哋遞信；之後煲呔座駕一到，就直情停喺請願人士面前，煲呔重四萬咁口，由長毛手中接過請願信，然後先至入場。
到咗下晝，佢去立法會講政制發展四號報告書，以至出席記者會，佢都盡量保持微笑，真係聽老婆話，冇發火，亦冇鬧人。咁先係香港市民公僕，你要諮詢、要有人支持，就要真係虛懷啲，好似肥佬黎話齋，咁先聽到不同聲音，唔係噪音。
（圖）煲呔（右二）笑住接長毛（左二）請願信，真係有少少造作。
傳真︰2623-9278
電郵︰