錢家樂和女友李珊珊錄影《獎門人》時，落力玩遊戲，就算擁作一團亦在所不計。而曾志偉的兒子曾國祥與Toby啜紫菜時，志偉笑指想Toby做他新抱。
李珊珊、康子妮、曾國祥、女生宿舍、元華和蘇玉華前晚錄影由曾志偉、錢家樂、林曉峰主持的《繼續無敵獎門人》，由於這輯節目會在新年播映，志偉為求做到皆大歡喜的感覺，故此三位主持亦有玩遊戲。
錢家樂的女友李珊珊甫出場即被取笑，志偉問他們何時結婚，又稱珊珊做錢太。行石春路時，志偉叫珊珊孭錢家樂，但背了一陣子珊珊已頂不住說：「隔咁遠，點孭呀？」家樂聞言笑說：「乜嘢軟呀，硬呀！」結果兩人調轉位置，錢家樂孭女友時笑說：「佢真係恩重如山，一啲都唔輕。」
家樂和珊珊玩閂大閘遊戲時，負責做動作，元華則負責猜，其中一條題目是「翻雲覆雨」，他倆公然又攬又抱，甚至扭作一團，令全場爆笑。事後珊珊說：「上嚟已經預咗會俾人玩，所以唔會好介意。」記者問她與家樂何時拉埋天窗？珊珊說：「我同佢拍咗七年拖，名份嘅嘢我唔係睇得咁重，𠵱家被叫錢太，明知講笑，我冇所謂。」
而曾志偉的兒子曾國祥行石春路時，竟要求父親志偉孭他，曾國祥說：「爹哋從來冇孭過我，所以我想畀佢孭吓。」志偉亦順應要求。及後曾國祥又與梁家樹的女兒、女生宿舍成員Toby玩啜紫菜遊戲，二人玩到笑不停，志偉看在眼裏笑說：「呢個（Toby）做我新抱幾好喎，等我同梁家樹傾吓先。」
此外，女生宿舍和蕭正楠昨到新城接受訪問，蕭正楠和Toby曾傳緋聞，但兩人大方合照，Toby更抵死地叫對方做「師兄」。
採訪：卓寶花 攝影：陳慧安
