藝人之家日前在尖沙嘴舉行聖誕派對，出席者有鄧萃雯、陳敏之、蘇玉華和陳鍵鋒等，席間廖啓智和太太陳敏兒向眾人分享經歷，智叔表示今次是應韓馬利的邀請，他原本要在內地拍《本草藥王》而無暇出席，料不到臨時卻有空閒時間可以回港，真要說一句是「神的意旨」。
智叔向眾人分享了他和太太的感情生活，他說：「我以前係無神論者，到九六年先決定篤信耶穌，○二年受洗。我同太太共經歷三個階段，啱啱拍拖係我控制佢嘅，因為我大男人、人生閱歷又多啲；到第二期，太太經歷多咗，佢又信咗教，我陪佢返教會，但係人到心不到，我哋開始有疏離感，直至九六年我真正信咗，夫妻關係亦修補咗。到○三年我仔仔有病（血癌），雖然有情緒上嘅波動，但冇埋怨。𠵱家囝囝身體OK。」
採訪：張止寒