張曼玉外籍男友GuillaumeBrochard與設計師陳瑞麟合作的Qeelin珠寶店，昨日於中環國金二期開幕，由於GuillaumeBrochard身在巴黎公幹，未能趕回港出席。
設計師陳瑞麟在場坐鎮，吳婉芳、上山詩鈉與女兒Hilary身體力行戴上「葫蘆」首飾捧場。吳婉芳戴了一條價值五萬六千元的鑽石『葫蘆』頸鏈，她笑說：「我老公姓胡，取其諧音，咪係『胡佬』，加上兩個仔，屋企咪有一大兩細『胡佬』。」
而曼玉好友上山詩鈉則說：「我好早已經買咗，可能我係頭兩個客，我將個『葫蘆』送畀囡囡時，佢重以為係結他。」
問到上山的感情生活時，她則大耍記者說：「我同囡囡感情好好，咁老冇人追，一拍埋啲後生度就覺得自己好老。」問到她早前密會俞琤一事，她則說：「呢啲場合唔好問埋呢啲問題，影響人哋做生意。」
採訪，攝影：JessicaNgan