梁朝偉前晚與舒淇在中環IFC拍攝新片《韓城攻略》，拍攝動作場面時，舒淇出動替身為她做滾地動作。舒淇與偉仔早前在韓國拍戲，二人對當地讚不絕口，舒淇說：「香港演員拍戲反應快，不過韓國環境好好，成條街封咗畀你拍都得，要乜有乜。」
偉仔提到政府幫手救市的問題，也晦氣地說：「咁耐都冇方便過我哋，幫唔到我哋，如果政府真係要幫，第一應該打擊翻版，第二係當電影係工業嚟幫佢發展。我喺韓國拍戲，要乜有乜，要封街就封街，要警察有警察，香港政府話幫手都唔係嘅，我唔期望政府有乜幫到喎。」
舒淇又謂不覺得減片酬可救市，她說：「我人工唔多，減都幫唔到乜。」她又表示稍後會回台灣拍攝侯孝賢的新戲《最美好的時光》，聖誕才回港與朋友慶祝生日及過節。提到黎明日前生日，舒淇冷淡地說：「朋友生日梗開心，但我好少同人慶祝，都係撞啱過節先會慶祝。」
採訪、攝影：何永寧